اليكم التفاصيل
حل مشكلة اعادة التشغيل في اجهزة نوكيا
أولا: سبب المشكلة ؟
سبب المشلكة هو زيادة حمل على الميموري كارد وزيادة معالجة البيانات الموجودة
طبعا أكثر شي يسوي هذه المشكلة هو الثيمات وكثرة تغييرهم خصوصا الثيمات
المتشتغل اول ما تأشر عليها الا بعد فترة طويلة طبعا هذي تدمر الجهاز
وتدمر الميموري خصوصا ميموري 512 اللي اكثر الناس تسخدمه!
كيف تتلخص من الوقوع في المشكلة (بعد ما وقعت بيها)؟
خفف الثيمات يعني بدل ما تحط 30 ثيم حطلك 10 ثيمات على الأكثر
لا تشغل اغاني بصيغة wmv ولو هي قليلة
اذا وقعت بيها شلون تتخلص منها؟
أنزع الميموري على الفور كبل ما ينبش ابو ابوه هع
عيد تشغيل الجهاز وسوي اعادة ضبط المصنع حسب الخطوات التالية
1. ضبط
2. أخر اختيار
3. راح تطلعلك كتابة مشيها ودوس اوكي
4. دخل رقم الحماية وهو 12345 واذا مغيره دخل اللي كن غيرته
5. اوكي
راح يعيد الضبط وره ميعيد الضبط راح يصير انكليزي (انلاصت علجهال هع)
روح على السبانة ودوس على ايقونة يطلع بيها صورة مال تلفون وأول اختيار وراها على العربية
ورجع الجهاز عربي((شلون شرح خخخخ خنفشاري))
هسة نجي علميموري كارد
دخله بالحاسبة. (قبل ما تدخله تأكد من خلو حاسبتك من الفيروسات واذا عندك
انترنت لا تدخله احسن روح على متكب مال مبايل وخلي يسويل الخطوات)
انسخ ملفاتك على الحسابة
فرمت الكارد مالتك
دخله بالموبايل وفرمته من هناك (اذا متعرف شلون تفرمته ما لازم)
رجع الكارد علحاسبة
ودخل عليه الملفات اللي خزنتها